Shkolla “Nazim Gafurri” gjendet në pjesën verilindore të Prishtinës, me konkretisht buzë rrugës “ Bajram Bahtiri” e cila shpie për në Malësinë e Gallapit.

Puna në të ka filluar me 25 mars 1983 si paralele e ndarë e shkollës fillore “ Zenel Hajdini’ në Prishtinë. për të vazhduar më pastaj si shkollë Amë.

Pas tri decenieve të suksesshme të punës edukativo-arsimore, shkolla tani është në këtë gjendje: ka 1251 nxënës, 1151 nxënës të ndarë në 43 paralel prej klasës së parë deri të nëntën dhe katër grupe parashkollorësh me gjithsej 100 parashkollor; 72 personel ( prej të cilëve 56 në procesin arsimor, 5 punëtor administrative, dhe 11 punëtor ndihmës e teknikë). 

Shkolla tani 25 dhoma mësimi, salla e arsimtarëve, biblioteka, byfenë, katë zyre, 3 kabinete, salla e edukatës fizike. Kuadri arsimor është I kualifikuar.

Për këto 30 vjet të punës së saj, shkolla jonë, sikur edhe tërë arsimi shqip, në përgjithësi, I ka pasur vështirësitë dhe barrierat, të cilat megjithatë, I ka përballuar dhe i ka tejkaluar të gjitha sfidat e kohës. 

Gjatë kësaj periudhe , shkolla jonë,  jo vetëm që e ka kryer funksionin e saj edukativo-arsimor, por e ka kryer edhe funksion tjetër shumë të rëndësishëm kombëtar edhe atdhetar, duke e vënë objektin në shërbim të nevojave të kohës.

Tri decenie janë një jubile I vogël I një pune të madhe edukativo-arsimore në arsimin e gjeneratave të reja, në kalitjen e ardhmërisë së ndritshme.